NIFFF – NEUCHÂTEL INTERNATIONAL FANTASTIC FILM FESTIVAL
Xoves, 26 de setembro ás 18:00
CINES TAMBERLICK
Este ano temos a honra de contar co NIFFF – Neuchâtel International Fantastic Film Festival (Suíza) como festival colega.
O NIFFF é o único festival de Suíza dedicado ao xénero fantástico e afíns. Fundado no ano 2000, o NIFFF creceu ao longo de 23 edicións ata converterse nunha cita cinematográfica ineludible, que goza de recoñecemento nacional e internacional grazas ao seu prestixioso e esixente programa. O certame está dedicado principalmente a un xénero cinematográfico específico: o fantástico. Este tema principal compleméntase con outros dous: a creación dixital e o cinema asiático.
O seu enfoque multidisciplinar e global da tradición fantástica permitiulle establecerse como un centro internacional de coñecementos especializados e desenvolver un discurso innovador ao redor das cinematografías do imaxinario.
O NIFFF ten unha forte identidade que é única en Suíza e a nivel internacional. O NIFFF e os seus 3 selos – NIFFF EXTENDED, NIFFF INVASION e NIFFF ON TOUR – son un punto de referencia crave para o cinema fantástico entre a industria, o público e os cineastas suízos emerxentes.
Nesta #8 edition do festival poderemos desfrutar dunha coidada selección de curtametraxes na que poderemos comprobar a calidade das pezas que compiten nun dos festivais fantásticos máis importantes de Europa.
SELECCIÓN NIFFF
Milk
Santiago Menghini
Unha noite, un mozo vai á cociña a por un vaso de leite. Ao atoparse co súa insomne nai, non tarda en darse conta de que as cousas non son o que parecen.
- Mellor Dirección, Fantasia Film Festival (Canadá, 2018)
- Gran Premio do Xurado, · SXSW South By Southwest Film Festival (EUA, 2018)
- Mellor Montaxe, Brooklyn Horror Film Festival (EUA, 2018)
- Chicago International Film Festival (EUA, 2018)
The Great Escape From Café City
John Hsu
Jamie adoitaba levar unha vida ditosa. O único que facía todos os días era tomar café, montar en bicicleta e facer fotos. Ata aquel día en que coñeceu á moza Belle, de súpeto todo na súa vida cambiou para sempre.
- IFFR – International Film Festival Rotterdam (Países Baixos, 2014)
- Taipei Film Festival (China, 2014)
- 14ª NIFFF – Neuchâtel International Fantastic Film Festival (Suíza, 2014)
Coyote
Lorenz Wunderle
Tras perder á súa familia nun ataque de lobos, un coiote loita contra o medo, a dor e a ira ata que unha forza escura empúxalle a vingar á súa muller e aos seus fillos.
- Mellor Animación, Aspen Film Shortsfest (EUA, 2018)
- Mellor Curta de Animación Europea, Go Short – International Short Film Festival Nijmegen (País Baixos, 2018)
- Mellor Curtametraxe Internacional, Palm Springs International Shortfest (EUA, 2018)
- Berlinale, Internationale Filmfestspiele Berlin (Alemaña, 2018)
Ghost Train
Lee Cronin
Cada ano, dous irmáns visitan un recinto feiral abandonado, que outrora foi escenario dunha terrible traxedia. Un día, o pasado rexorde inesperadamente…
- Méliès D'Argent á Mellor Curtametraxe Fantástica Europea, Molins de Rei Horror Film Festival (España, 2014)
- Mellor Film do Xurado Novo, Semana de Cine Fantástico y de Terror de San Sebastián (España, 2014)
- Premio do Público á Mellor Curtametraxe, Ithaca International Fantastic Film Festival (EUA, 2014)
- Mellor Curta, Cryptshow Festival (España, 2015)
Hand in Hand
Ennio Ruschetti
Dous políticos danse a man diante dos xornalistas. O que está en xogo cambia de súpeto a unha escala inesperada.
- Premio do Xurado, Ostschweizer Kurzfilmwettbewerb (Suíza, 2020)
- SXSW Film Festival (EUA, 2020)
- Blue Danube Film Festival (Austria, Hungría, Eslovaquia, 2020)
- 20ª Neuchâtel International Fantastic Film Festival (Suíza, 2020)
Kingdom
Bettina Oberli
Un vasto deserto rochoso. Unha muller solitaria loita por preservar o último resto dun glaciar cun tolo mosaico de teas e trapos que recupera dos vales abandonados. O traballo de Sísifo.
- Edinburgh International Film Festival (Escocia, 2020)
- 56ª Solothurner Filmtage (Suíza, 2021)
- 20ª Neuchâtel International Fantastic Film Festival (Suíza, 2021)
- 24ª Internationale Kurzfilmtage Winterthur (Suíza, 2021)
Meet Again
Ap-Sol Kang
Doída pola ausencia da súa angustiada nai, unha adolescente foxe de casa e penétrase nun festival nocturno de criaturas sobrenaturais, unha das cales ten unha misteriosa conexión con ela.
- Fantasia Film Festival (Canadá, 2023)
- Palm Springs Animation Festival (EUA, 2023)
- Athens Animfest (Grecia, 2023)
- 23ª Neuchâtel International Fantastic Film Festival (Suíza, 2023)