Frecuencia Z

Charli Sangar é un cineasta e músico barcelonés nado en 1979. Pasou anos militando en varias bandas de música metal de Barcelona. Sempre foi un apaixonado do cinema en xeral e do cinema de terror en particular, e foi precisamente mentres preparaba e gravaba os videoclips para as súas bandas, cando se centrou máis a fondo na súa carreira como cineasta.
Foi o creador dos catro videoclips oficiais de Soul Dealer e tamén fixo varios máis co técnica stop-motion.
Empezou a realizar curtas de animación stop-motion por mor do confinamento de 2020. Rodounas todas cun teléfono móbil, plastilina e moita pintura vermella, e para a súa sorpresa, logrou moitas seleccións en festivais de cinema de todo o mundo e mesmo foi premiado co galardón de mellor curta de animación en moitas ocasións.

En 2024 presentou a súa primeira longametraxe Cuentos Sangrientos a la Luz de la Hoguera que inclúe as súas curtametraxes e é unha clara homenaxe ás producións da Hammer e Amicus, baseadas nunha compilación de varias historias de terror.