Tennis, Oranges

Sean Pecknold é un director independente de animación, videoclips musicais e cinema, nado en Seattle (Washington) e actualmente afincado en Los Ángeles (California).

Ao longo da súa traxectoria desenvolveu un amplo corpus creativo que inclúe filmes e animacións galardoadas para artistas e entidades como Fleet Foxes, John Legend, Netflix, DreamWorks, Dirty Projectors, Google, Sony, The New York Times e a BBC. A súa primeira curta de animación, White Winter Hymnal, foi recoñecida co Premio Especial do Xurado no festival SXSW. A súa obra foi presentada en festivais de cinema e deseño de todo o mundo, e a curta animada The Shrine / An Argument recibiu o premio á Mellor Animación nos UK Music Video Awards (UKMVAs) en Londres.

Xunto á súa parella, Adi Goodrich, dirixe o estudio Sing-Sing en Los Ángeles. Ademais, impartiu clases de stop-motion en cidades como Nova York, Seattle, Los Ángeles, así como en Noruega e na prestixiosa escola CalArts.

A súa obra Featherweight, foi nomeada aos Premios Annie 2022 e seleccionada como Short Pick Of The Day por Cartoon Brew, así como Vimeo Staff Pick. Recentemente dirixiu e animou secuencias en stop-motion para as producións de Netflix Song Exploder e Worn Stories. Actualmente, atópase inmerso na preparación da súa primeira longametraxe como director.