GFFF #9 : 19-27 SET 2025 VIGO

O GFFF pon a disposición dos freaks cinéfagos gran parte da Selección Oficial desta edición de xeito online. 

A plataforma elexida será novamente Festhome, plataforma que ademais está dispoñible en galego grazas ao traballo do noso equipo durante a edición do 2020.

No marco das actividades especiais 9ª edition, renderemos unha merecida homenaxe a unha figura singular e pouco coñecida do cinema galego e da nosa cidade: o actor e especialista Luis Barboo (Vigo, 1927–2001).

Cunha das sesións máis especiais desta #9 edition: a proxección da que probablemente sexa a película máis representativa dentro do subxénero de espada e bruxería, Conan the Barbarian.

Como novidade absoluta desta edición, o GFFF estrena o primeiro Roteiro Gastronómico Freak, unha ruta de tapas que quere levar o frikismo do festival á rúa e aos bares. Do 18 ao 26 de setembro, cinco restaurantes da cidade ofrecerán unha Tapa Fantástica creada para a ocasión.

Este ano temos a honra de contar co TOHorror Fantastic Film Fest (Italia) como festival colega.

O TOHorror Fantastic Film Fest é un dos festivais máis importantes de Italia dedicados ao cinema de xénero. Nacido en 1999 co bautismo dun padriño excepcional, Dario Argento, ten a súa sede na cidade de Turín, Italia.

Có obxectivo de seguir ampliando as ligazóns entre festivais e profesionais da xestión cultural, este ano celebraremos novamente, en colaboración coa VIGO FILM OFFICE, unha mesa cadrada na que participarán representantes de festivais de xénero de Euskadi, Navarra, Catalunya e Galicia.

Como complemento a este encontro entre profesionais, realizaremos unha proxección especial para a cal cada un dos festivais convidados seleccionou unha curtametraxe significativa do seu territorio.

Un ano máis, desenvolvemos este espazo no que poderemos coñecer, da man dos seus creadores, algúns dos novos proxectos galegos que se atopan en distintas fases de desenvolvemento.

O obxectivo con esta proposta é reforzar o festival como punto de encontro para profesionais do sector audiovisual galego, crear sinerxias entre os distintos axentes que participan nunha produción audiviovisual, así como achegar ao noso público o máis novo do audiovisual galego que está por vir.

Decorado, a nova película de Alberto Vázquez, estrearase en cines o próximo 24 de Outubro. Antes de pasar polo Fantastic Fest e Sitges, Alberto estará no GFFF para falar do proceso creativo da película, da súa arte e animación e de tódolos procesos complexos dunha película de animación.

A exitosa Feira Fantástica e Freak de Galicia está de volta!

Un espazo único onde a arte, a cultura molona e o freakismo máis puro de Galicia se dan cita. Aquí coinciden os puntos de exposición cultural máis interesantes de Vigo xunto cunha selección de artistas que revelan os talentos freaks que Galicia ten agochados.

Froito do concurso de banda deseñada que lanzamos hai uns meses, presentaremos este terceiro volume que reúne algúns dos cómics que participaron na proposta.

Catorce historias que nos levarán a un Vigo ameazado, para ben ou para mal, por un grupo de científicos tolos que son quen de calquera cousa por conseguir o seu obxectivo.

Un ano máis, o GFFF reúne a un grupo de profesionais do audiovisual freak. A súa misión: repartir os catro galardóns do erudito xurado. Unha tarefa honrosa mais nada doada.

Filme bizarro sorpresa. Unha festa freak para cinéfagos.

Só saberás o que perdes se vas, porque…

O que pasa na Sesión Onanista,
queda na Sesión Onanista

Inauguración

A inauguración da 9ª edición do festival virá cargada de experimentos que saen mal para todos aqueles cinéfilos e amantes das antigas salas de cinema. Para iso, levaremos a cabo unha dobre sesión de cine de mad doctors.

Nesta sesión inaugural proxectaremos dúas comedias de arrepío para encher a sala de gargalladas e berros durante máis de tres horas.

Clausura

“The Rocky Horror Picture Show” redefiniu o concepto de filme de culto para sempre.

O que comezou como unha modesta adaptación cinematográfica dun musical teatral de 1973 converteuse nunha das experiencias cinematográficas máis singulares da historia. Esta obra mestra do camp e o xénero musical-horror, dirixida por Jim Sharman e escrita por Richard O’Brien, revolucionou a cultura popular ao crear unha nova forma de ver cine: a participación activa do público.

Os próximos 20 e 21 de setembro volve o Pequefreak – O meu primeiro festival con DOUS DÍAS completos dedicados ao público infantil e xuvenil!

Un evento único na nosa contorna no que os máis cativos poderán iniciarse no marabilloso mundo do cinema freak e no que gozarán da experiencia de vivir o seu propio festival de cinema.

Este ano o festival crea unha nova sección coa que pretende, por unha banda, render homenaxe a un dos grandes directores e produtores da historia do cinema de Serie B, e por outra banda, achegar ás novas xeracións un cinema que foi inspiración para moitos creadores.

Falamos do cine de Roger Corman.

Presentación GFFF #9 na Galería Maraca

Como xa é tradición, regresamos á Galería Maraca, epicentro vibrante do underground local, para ir quentando motores de cara e esta nova edición cun adianto exclusivo da programación do GFFF 2025 e gozaremos dalgunhas das curtametraxes máis celebradas do ano pasado.

Presentación: ODIO – Fnac

Entre as nosas actividades previas ao festival, volveremos a celebrar unha presentación literaria do noso espazo Edgar Allan Freak en colaboración co FNAC Vialia e a Editorial Galaxia.

A GFFF Zombie Walk chega a Vigo como unha das actividades máis esperadas desta edición do GFFF. O que promete ser unha xornada inesquecible transformará o centro da cidade nunha apocalipse zombi festiva, onde a creatividade e o terror se dan a man para crear unha experiencia única.

Apúntate á PASARELA ZOMBI onde a creatividade, a calidade da maquillaxe e a interpretación do personaxe serán avaliadas por un xurado de profesionais do audiovisual. O ou a mellor zombi da noite levará o cobizado premio “Zombie Freak 2025”, unha distinción que prometemos será digna dos mellores mortos vivintes.

Nesta novena edición, os científicos tolos ou mad doctors serán os protagonistas do festival. Celebraremos unha serie de proxeccións que serán unha homenaxe a todos eses filmes nos que un científico se obsesiona por conseguir algo que supera os coñecementos da súa época retando as leis da física e mesmo ao propio Deus. É hora de berrar ao ceo: “It’s alive!“