EXPOSICIÓN e PRESENTACIÓN FANZINE DOUTOR VIGO
Exposición: 19 ao 27 de setembro
Presentación Fanzine: Mércores, 24 de Setembro ás 17:00
SALA APO’STROPHE.ARTE — PLAZA ELÍPTICA
Froito do concurso de banda deseñada que lanzamos hai uns meses, presentaremos este terceiro volume que reúne algúns dos cómics que participaron na proposta.
Catorce historias que nos levarán a un Vigo ameazado, para ben ou para mal, por un grupo de científicos que son quen de calquera cousa por conseguir o seu obxectivo.
Esta recopilación, froito do concuso de banda deseñada lanzado polo GFFF – Galician Freaky Film Festival, reflicte de forma persoal e moi gamberra a particular idiosincrasia viguesa coa que calquera que nacese na cidade olívica sentirase identicado. Na presentación do volume, anunciaremos os cinco traballos gañadores e inauguraremos esta exposición para que podades gozar destas delirantes historias durante os días do festival.
Tanto o fanzine como a exposición contarán cos traballos de: Adrián, Auga Panleite, Denis Carballás Riveiro, Diego ArteGrotesko, EnriqueDomi, ireavr, L. P. Otero, Mr. Manu, Nico Nargual e Víctor Soho, Pablo Vázquez, Pitin, Velvet Demon, Xanrei e Yuri Salgado Álvarez.
Con esta proposta, o festival poñe de novo o foco no mundo da banda deseñada co obxectivo de mostrar ao gran público o talento que se agocha nesta nobre arte de contar historias.