GFFF #7 : 22-23 + 27-30 SET 2023 VIGO

Videodrome é unha obra mestra do cinema de terror. Un filme que combina o terror, a ciencia ficción e as profecías. Unha exploración da condición humana (e inhumana) a través da mutación e mutilación do corpo e da intersección entre a tecnoloxía, o entretemento e a política.

A selección oficial de filmes a concurso!

Escachar da risa, quedar co cu torcido ou sair da sala desubicado porque non sabes que acabas de ver exactamente. Isto é o GFFF!

Chega o festival freak para a nosa xente pequena!

Namoráramos a un grupo de freaks e cinéfilos en potencia, outra vez, polo que non podía entrar nos nosos plans non tripitir a experiencia.

Unha completa xornada na que os/as pequefreaks poderán vivir a experiencia de desfrutar dun festival de cinema.

Descubre a maxia da amizade e a aventura nun mundo cheo de marabillas coa película “Tonari No Totoro” (“Mi Vecino Totoro”). Dirixida por Hayao Miyazaki, este clásico do cine de animación xaponés transporta a unha historia cativadora e emotiva.

O festival únese á celebración mundial desta obra mestra dirixida por Katsuhiro Ōtomo, unha oportunidade única para revivir a maxia deste filme na pantalla grande.

Queres sentirte como Kaneda por un día?

Entón vén á Plaza Elíptica durante o GFFF!

Teremos unha réplica da enigmática moto de Kaneda!

Rafael Esteban Trujillo conseguiu facerse un oco nas redes grazas a pezas animadas de orixinalidade desbordante.

Descubriremos o seu proceso creativo e a súa viaxe persoal con Conchi e viejeto.

Non se pode saber máis de Akira ca Jordi Pastor.

Autor de cómics e docente na Escola Joso, expoñeranos o que supón unha adaptación do calibre de Akira.

Non hai festival sen alfombra vermella. Consulta a lista de persoeiros que pasarán polo GFFF e ten a man a túa libreta de autógrafos!

Falaremos dos animes máis emblemáticos que pasaron pola TVG, de como estes supuxeron unha ponte entre a nosa lingua e varias xeracións de cativos, e do traballo de todo o grupo de profesionais que configuran este sector.

Nesta #7 edición dedicada á obra de Katsuhiro Ōtomo dedicaremos unha exposición colectiva á súa obra mestra, Akira.

Da man de trece artistas galegos traemos á sala Ap’ostrophe arte este conxunto de obras nas que veremos a enorme influencia que tivo esta película xaponesa en toda unha xeración.

Os nostromers estarán connosco no festival ilustrándonos con algunhas das maiores frikadas cinematográficas que pariu o país nipón, así que temos mandanga freak asegurada!

Teremos o pracer de contar con Andrés R. Paredes para que presente o seu novo libro durante o GFFF. Un encontro no que o público poderá descubrir este subxénero que se fixo tan popular a partir do 2000 grazas a filmes de xénero de terror.

Un ano máis, o GFFF reúne a un grupo de expertos do audiovisual freak. A súa misión: repartir os catro galardóns do erudito xurado. Unha tarefa honrosa mais nada doada.

Da man de CREA e co respaldo da VIGO FILM OFFICE desenvolveremos este espazo no que coñeceremos, da man dos seus creadores, cinco proxectos galegos que se atopan en distintas fases de produción.